哈日族好消息！7月起東京Wi-Fi 任用

去日本想上網，唔記得買數據卡，甚或「中伏」買咗張限速卡嫌上網好慢！雖然大家可以即刻去買張 so-net 卡用，但想慳錢嘅話，而家又多一個新選擇啦！

皆因 Softbank 將於 7 月起，推出專畀遊客使用的免費 Wi-Fi，到時大家只要認住「FREE Wi-Fi PASSPORT」嘅標誌，就可以係餐廳、酒店、車站等全國約 40 萬個地點使用。 

首階段由 7 月 1 日起，Free Wi-Fi 服務將於東京圈內試行，至 7 月尾才推行至全日本使用。呢個「FREE Wi-Fi PASSPORT」使用嘅方法，比起之前介紹嘅方法嚟得尚算簡單。

大家只要係「FREE Wi-Fi PASSPORT」任何一個熱點之下，先撥打專用電話號碼接收一組密碼，然後於 Wi-FI 網絡中選取 SSID「FREE Wi-Fi PASSPORT」，再於介面中輸入個人電話號碼及剛接收的密碼便可使用。

相關介面設有中、英、韓文語言，每組密碼可對應 5 部不同的裝置，以及可於兩個星期內無限次使用，足夠一般遊客所需！慳慳埋埋嘅買卡租蛋錢，又可以拎嚟食多餐啦喂！

原文刊於：ezone.hk